ഗംഗയിൽ കാണാതായ ആകാശ് മോഹന്‍റെ മൃതദേഹം കണ്ടെത്തി

ഗംഗാനദിയിൽ 9 ദിവസം മുമ്പ് കാണാതായ ആകാശ് മോഹന്‍റെ (27) മൃതദേഹം കണ്ടെത്തി. ഋഷികേശ് AIIMS ൽ പോസ്റ്റ്‍മോർട്ടത്തിന് ശേഷം ഡൽഹിയിൽ കൊണ്ടുവരും. ഖാൻപൂർ ദേവ്‍ലിയിലാണ് കുടുംബം. കോന്നി സ്വദേശിയായ കെ.കെ.മോഹന്‍റെയും ശ്യാമളയുടെയും മകനാണ്. ഗുരുഗ്രാമിലെ ഗ്ലോബൽ അഷ്വറൻസ് പ്രൈവറ്റ് ലിമിറ്റഡിൽ ആയിരുന്നു ജോലി. സഹപ്രവർത്തകർക്കൊപ്പം ഉത്തരാഖണ്ഡിൽ വിനോദയാത്രക്ക് പോയതാണ്. നദിയിൽ കുളിക്കാനിറങ്ങിയപ്പോൾ ശക്തമായ ഒഴുക്കിൽ പെട്ടാണ് കാണാതായത്.